Ավանդական կարծիքի համաձայն՝ մեծահասակներին գիշերը ութ ժամ քուն է անհրաժեշտ, որպեսզի առավոտյան արթնանան առողջ ու հանգստացած վիճակում: Սակայն, ինչպես բազմաթիվ հին խորհուրդների դեպքում, գիտական հետազոտությունները ցույց են տվել, որ այս ուղեցույցն այնքան էլ պարզ չէ, որքան կարող ենք կարծել: Այժմ ոլորտի առաջատար մասնագետները մշակել են քնի նոր ուղեցույցներ, որոնք փորձում են պատասխանել գլխավոր հարցին.Ի՞նչքան քուն է ձեզ իրականում անհրաժեշտ:

Քնի առաջարկվող տևողության նոր ուղեցույցներ

Վերջերս National Sleep Foundation-ը հրապարակեց թարմացված առաջարկություններ տարիքային յուրաքանչյուր խմբի համար քնի տևողության վերաբերյալ: Հետազոտության արդյունքները ներկայացված են վերևի գծապատկերում:

Քնի անհրաժեշտ տևողությունը փոփոխվում է մի շարք գործոնների ազդեցությամբ: Ամենակարևոր գործոնը, անշուշտ, տարիքն է: Նորածինները իրենց ժամանակի մինչև 2/3-ը անցկացնում են քնած վիճակում, և նրանց համար առաջարկվում է օրական 14-17 ժամ քուն: Մինչև երեք ամսականից մեծ նորածիններին անհրաժեշտ է 12-15 ժամ: Կրտսեր երեխաներին (toddler) պետք է 11-14 ժամ, նախադպրոցական տարիքի երեխաներին՝ 10-13 ժամ, իսկ դպրոցական տարիքի երեխաները պետք է ամեն գիշեր 9-11 ժամ քնեն:

Դպրոցական տարիքից սկսած քնի կարիքը մի փոքր հավասարվում է: Դպրոցական տարիքից (գիշերը 8-10 ժամ) մինչև տարեց հասակ (գիշերը 7-8 ժամ) նկատվում է անհրաժեշտ քնի տևողության դանդաղ, բայց աստիճանական կրճատում:

Այս կանոնները բացարձա՞կ են:

Կնկատեք, որ տարիքային յուրաքանչյուր խմբի համար նշված է քնի տևողությանմիջակայք: Իրականում, մեծահասակների համար նորմալ կարող է լինել ինչպես 6, այնպես էլ 10 ժամ քուն գիշերը: Դա պայմանավորված է նրանով, որ բոլորի առողջական վիճակը տարբեր է: Որոշ մարդիկ կարող են լիարժեք գործել ավելի կարճ քնով, մինչդեռ մյուսները ուժերը վերականգնելու համար շատ ժամանակ են պահանջում:

Ի վերջո, ձեր օրգանիզմն ինքը կասի ձեզ՝ բավարա՞ր եք քնում, թե ոչ: Եթե դժվարությամբ եք վեր կենում առավոտյան, ժամացույցի ազդանշանի կարիք ունեք անկողնուց դուրս գալու համար, ցերեկը հուսահատ կամ քնկոտ եք զգում, կոֆեինի վրա եք ապավինում ձեզ ակտիվ պահելու համար, կամ հանգստյան օրերին շատ ժամ եք քնում, սրանք բոլորը նշաններ են, որ հնարավոր է ավելի շատ հանգստի կարիք ունենաք:

Իսկ եթե ես Իսկապես Դուրս եմ Նորմայի Սահմաններից՞

Եթե դուք քնում եք զգալիորեն ավելի շատ կամ ավելի քիչ, քան առաջարկվում է, կամ քնում եք պահանջվող քանակությամբ, սակայն ցերեկը դեռ հոգնածություն եք զգում, հնարավոր է, ժամանակն է փոխել ձեր քնի ռեժիմը կամ դիմել բժշկի։ Կարող է անհրաժեշտ լինել կատարել քնի հետազոտություն կամ այլ թեստեր՝ պարզելու համար, թե ինչու եք այդքան շատ կամ այդքան քիչ քնի կարիք ունենում։ Սննդակարգի, քնի ռեժիմի կամ նույնիսկ դեղամիջոցների փոփոխությունները կարող են անհրաժեշտ լինել՝ ձեր քնի տևողությունը նպաստավոր նորմայի սահմաններում պահելու համար։

Անցեք քնկոտության թեստը

Այլ հոդվածներ, որոնք կարող են հետաքրքրել ձեզ.

• Ինչպե՞ս է ալկոհոլն ազդում քնի վրա։
• Ինչպե՞ս է քունն ազդում մարզումից հետո վերականգնման վրա։
• Հիպերսոմնոլենցիա՝ մշտական քնկոտություն
• Էրեկտիլ դիսֆունկցիա և քնի ապնեա
• Ինչու են քնի ապնեայով կանայք հաճախ անտեսվում